Tago
Ni Mila D. Aguilar
Paikli nang paikli
Ang buhok ng
Kapatid ko sa
Pananampalataya.
Gayong natanggal
Na baho ng kanyang
Hininga. Nagawan din
Ng paraan ng doktor
Niyang batikan.
Kaya lang, hindi
Nawala kanyang
Pagkabalisa
Na makapangumbabaw
Sa sinumang babaeng
Kasalukuyang
Kinagigiliwan.
Kaya hayan,
Nauupaw sa harap
At sa bumbunan.
Dangan kasi,
Ayaw ibigay
Sa Panginoon
Kanyang
Kasalanan.
Ay, oo
Nga
Pala.
Babae siya.
Setyembre 23, 2014
10:30 - 10:45 am
